अध्याय 51: कमलनयन प्रभु की नारद-स्तुति

मामवलोकय पङ्कज-लोचन । कृपा बिलोकनि सोच बिमोचन ॥
नील तामरस स्याम काम अरि । हृदय कञ्ज मकरन्द मधुप हरि ॥

māmavalokaya paṅkaja-locana | kṛpā bilokani soca bimocana ||
nīla tāmarasa syāma kāma ari | hṛdaya kañja makaranda madhupa hari ||

जातुधान बरूथ बल भञ्जन । मुनि सज्जन रंजन अघ गञ्जन ॥
भूसुर ससि नव बृन्द बलाहक । असरन सरन दीन जन गाहक ॥

jātudhāna barūtha bala bhañjana | muni sajjana raṃjana agha gañjana ||
bhūsura sasi nava bṛnda balāhaka | asarana sarana dīna jana gāhaka ||

भुज बल बिपुल भार महि खंडित । खर दूषन बिराध बध पंडित ॥
रावनारि सुख रूप भूप बर । जय दसरथ-कुल-कुमुद सुधाकर ॥

bhuja bala bipula bhāra mahi khaṃḍita | khara dūṣana birādha badha paṃḍita ||
rāvanāri sukha rūpa bhūpa bara | jaya dasaratha-kula-kumuda sudhākara ||

सुजस पुरान बिदित निगमागम । गावत सुर मुनि सन्त-समागम ॥
कारुनीक ब्यलीक मद खंडन । सब बिधि कुसल कोसला-मंडन ॥

sujasa purāna bidita nigamāgama | gāvata sura muni santa-samāgama ||
kārunīka byalīka mada khaṃḍana | saba bidhi kusala kosalā-maṃḍana ||

कलि मल मथन नाम ममताहन । तुलसिदास प्रभु पाहि प्रनत-जन ॥

kali mala mathana nāma mamatāhana | tulasidāsa prabhu pāhi pranata-jana ||