अध्याय 45: भक्ति सुगम मार्ग, सत्संग से प्राप्त

जौं परलोक इहाँ सुख चहहू । सुनि मम बचन ह्रृदयँ दृढ़ गहहू ॥
सुलभ सुखद मारग यह भाई । भगति मोरि पुरान श्रुति गाई ॥

jauṃ paraloka ihām̐ sukha cahahū | suni mama bacana hrṛdayam̐ dṛr̤ha gahahū ||
sulabha sukhada māraga yaha bhāī | bhagati mori purāna śruti gāī ||

ग्यान अगम प्रत्यूह अनेका । साधन कठिन न बन कह टेका ॥
करत कष्ट बहु पावइ कोऊ । भगति हीन मोहि प्रिय नहिँ सोऊ ॥

gyāna agama pratyūha anekā | sādhana kaṭhina na bana kaha ṭekā ||
karata kaṣṭa bahu pāvai koū | bhagati hīna mohi priya nahim̐ soū ||

भगति सुतन्त्र सकल सुख खानी । बिनु सतसङ्ग न पावहिँ प्रानी ॥
पुन्य पुञ्ज बिनु मिलहिँ न सन्ता । सतसङ्गति संसृति कर अन्ता ॥

bhagati sutantra sakala sukha khānī | binu satasaṅga na pāvahim̐ prānī ||
punya puñja binu milahim̐ na santā | satasaṅgati saṃsṛti kara antā ||

पुन्य एक जग महँ नहिँ दूजा । मन क्रम बचन बिप्र पद पूजा ॥
सानुकूल तेहि पर मुनि देवा । जो तजि कपट करइ द्विज सेवा ॥

punya eka jaga maham̐ nahim̐ dūjā | mana krama bacana bipra pada pūjā ||
sānukūla tehi para muni devā | jo taji kapaṭa karai dvija sevā ||