अध्याय 46: भक्ति-पथ में क्या चाहिए

कहहु भगति पथ कवन प्रयासा । जोग न मख जप तप उपवासा ॥
सरल सुभाव न मन कुटिलाई । जथा लाभ सन्तोष सदाई ॥

kahahu bhagati patha kavana prayāsā | joga na makha japa tapa upavāsā ||
sarala subhāva na mana kuṭilāī | jathā lābha santoṣa sadāī ||

भार दास कहाइ नर आसा । करइ तौ कहहु कहा बिस्वासा ॥
बहुत कहउँ का कथा बढ़ाई । एहि आचरन बस्य मैं भाई ॥

bhāra dāsa kahāi nara āsā | karai tau kahahu kahā bisvāsā ||
bahuta kahaum̐ kā kathā bar̤hāī | ehi ācarana basya maiṃ bhāī ||

बयर न बिग्रह आस न त्रासा । सुखमय ताहि सदा सब आसा ॥
अनारंभ अनिकेत अमानी । अनघ अरोष दच्छ विज्ञानी ॥

bayara na bigraha āsa na trāsā | sukhamaya tāhi sadā saba āsā ||
anāraṃbha aniketa amānī | anagha aroṣa daccha vijñānī ||

प्रीति सदा सज्जन संसर्गा । तृन सम विषय स्वर्ग अपवर्गा ॥
भगति पच्छ हठ नहिँ सठताई । दुष्ट तर्क सब दूरि बहाई ॥

prīti sadā sajjana saṃsargā | tṛna sama viṣaya svarga apavargā ||
bhagati paccha haṭha nahim̐ saṭhatāī | duṣṭa tarka saba dūri bahāī ||