अध्याय 37: चन्दन और कुल्हाड़ी

करउँ कृपानिधि एक ढिठाई । मैं सेवक तुम्ह जन सुखदाई ॥
सन्तन्ह कै महिमा रघुराई । बहु विधि बेद पुरानन्ह गाई ॥

karaum̐ kṛpānidhi eka ḍhiṭhāī | maiṃ sevaka tumha jana sukhadāī ||
santanha kai mahimā raghurāī | bahu vidhi beda purānanha gāī ||

श्रीमुख तुम्ह पुनि कीन्हि बड़ाई । तिन्ह पर प्रभुहि प्रीति अधिकाई ॥
सुना चहउँ प्रभु तिन्ह कर लच्छन । कृपासिन्धु गुन ज्ञान बिचच्छन ॥

śrīmukha tumha puni kīnhi bar̤āī | tinha para prabhuhi prīti adhikāī ||
sunā cahaum̐ prabhu tinha kara lacchana | kṛpāsindhu guna jñāna bicacchana ||

सन्त असन्त भेद बिलगाई । प्रनतपाल मोहि कहहु बुझाई ॥
सन्तन्ह के लच्छन सुनु भ्राता । अगनित श्रुति पुरान बिख्याता ॥

santa asanta bheda bilagāī | pranatapāla mohi kahahu bujhāī ||
santanha ke lacchana sunu bhrātā | aganita śruti purāna bikhyātā ||

सन्त असंतन्हि कै असि करनी । जिमि कुठार चन्दन आचरनी ॥
काटइ परसु मलय सुनु भाई । निज गुन देइ सुगन्ध बसाई ॥

santa asaṃtanhi kai asi karanī | jimi kuṭhāra candana ācaranī ||
kāṭai parasu malaya sunu bhāī | nija guna dei sugandha basāī ||