अध्याय 38: सन्त के लक्षण

बिषय अलम्पट सील गुनाकर । पर दुख दुख सुख सुख देखे पर ॥
सम अभूतरिपु बिमद बिरागी । लोभामरष हरष भय त्यागी ॥

biṣaya alampaṭa sīla gunākara | para dukha dukha sukha sukha dekhe para ||
sama abhūtaripu bimada birāgī | lobhāmaraṣa haraṣa bhaya tyāgī ||

कोमलचित दीनन्ह पर दाया । मन बच क्रम मम भगति अमाया ॥
सबहि, मानप्रद आपु अमानी । भरत प्रान सम मम ते पानी ॥

komalacita dīnanha para dāyā | mana baca krama mama bhagati amāyā ||
sabahi, mānaprada āpu amānī | bharata prāna sama mama te pānī ||

बिगत काम मम नाम परायन । सान्ति बिरति बिनती मुदितायन ॥
सीतलता सरलता मयत्री । द्विज-पद प्रीति धरम जनयत्री ॥

bigata kāma mama nāma parāyana | sānti birati binatī muditāyana ||
sītalatā saralatā mayatrī | dvija-pada prīti dharama janayatrī ||

ये सब लच्छन बसहिँ जासु उर । जानेहु तात, सन्त सन्तत फुर ॥
सम दम नियम नीति नहिं डोलहिँ । परुष बचन कबहूँ नहिँ बोलहिँ ॥

ye saba lacchana basahim̐ jāsu ura | jānehu tāta, santa santata phura ||
sama dama niyama nīti nahiṃ ḍolahim̐ | paruṣa bacana kabahūm̐ nahim̐ bolahim̐ ||