अध्याय 35: मुनियों का भक्ति-वर माँगना

देहु भगति रघुपति अति पावनि । त्रिबिध ताप भव-दाप नसावनि ॥
प्रनत काम सुरधेनु कलपतरु । होइ प्रसन्न दीजै मनु यह बरु ॥

dehu bhagati raghupati ati pāvani | tribidha tāpa bhava-dāpa nasāvani ||
pranata kāma suradhenu kalapataru | hoi prasanna dījai manu yaha baru ||

भव बारिधि कुम्भज रघुनायक । सेवक सुलभ सकल सुख दायक ॥
मन सम्भव दारुन दुख दारय । दीनबन्धु समता विस्तारय ॥

bhava bāridhi kumbhaja raghunāyaka | sevaka sulabha sakala sukha dāyaka ||
mana sambhava dāruna dukha dāraya | dīnabandhu samatā vistāraya ||

आस त्रास इरिषादि निवारक । बिनय बिबेक बिरति बिस्तारक ॥
भूप-मौलि मन मंडन धरनी । देहि भगति संसृति-सरि तरनी ॥

āsa trāsa iriṣādi nivāraka | binaya bibeka birati bistāraka ||
bhūpa-mauli mana maṃḍana dharanī | dehi bhagati saṃsṛti-sari taranī ||

मुनि मन मानस हंस निरन्तर । चरन-कमल बन्दित अज सङ्कर ॥
रघुकुल केतु सेतु श्रुति रच्छक । काल करम सुभाव गुन भच्छक ॥

muni mana mānasa haṃsa nirantara | carana-kamala bandita aja saṅkara ||
raghukula ketu setu śruti racchaka | kāla karama subhāva guna bhacchaka ||

तारन तरन हरन सब दूषन । तुलसिदास प्रभु त्रिभुवन भूषन ॥

tārana tarana harana saba dūṣana | tulasidāsa prabhu tribhuvana bhūṣana ||