अध्याय 34: सनकादि की श्रीराम-स्तुति

सुनि प्रभु बचन हरषि मुनि चारी । पुलकित तनु अस्तुति अनुसारी ॥
जय भगवन्त अनन्त अनामय । अनघ अनेक एक करुनामय ॥

suni prabhu bacana haraṣi muni cārī | pulakita tanu astuti anusārī ||
jaya bhagavanta ananta anāmaya | anagha aneka eka karunāmaya ||

जय निर्गुन जय जय गुन सागर । सुख मन्दिर सुन्दर अति नागर ॥
जय इन्दिरा-रमन जय भूधर । अनुपम अज अनादि सोभाकर ॥

jaya nirguna jaya jaya guna sāgara | sukha mandira sundara ati nāgara ||
jaya indirā-ramana jaya bhūdhara | anupama aja anādi sobhākara ||

ज्ञान निधान अमान मान-प्रद । पावन सुजस पुरान बेद बद ॥
तज्ञ कृतज्ञ अज्ञता भञ्जन । नाम अनेक अनाम निरञ्जन ॥

jñāna nidhāna amāna māna-prada | pāvana sujasa purāna beda bada ||
tajña kṛtajña ajñatā bhañjana | nāma aneka anāma nirañjana ||

सर्व सर्बगत सर्व उरालय । बससि सदा हम कहुँ परिपालय ॥
द्वन्द बिपति भव फन्द बिभंजय । ह्रदि असि राम काम पद गंजय ॥

sarva sarbagata sarva urālaya | basasi sadā hama kahum̐ paripālaya ||
dvanda bipati bhava phanda bibhaṃjaya | hradi asi rāma kāma pada gaṃjaya ||