अध्याय 129: सात सोपान, और गिरिजा कृतकृत्य

राम कथा गिरिजा में बरनी । कलि मल समनि मनोमल हरनी ॥
संसृति रोग सजीवन मूरी । राम कथा गावहिँ स्रुति सूरी ॥

rāma kathā girijā meṃ baranī | kali mala samani manomala haranī ||
saṃsṛti roga sajīvana mūrī | rāma kathā gāvahim̐ sruti sūrī ||

एहि महँ रुचिर सप्त सोपाना । रघुपति भगति केर पंथाना ॥
अति हरि कृपा जाहि पर होई । पाउँ देइ एहिं मारग सोई ॥

ehi maham̐ rucira sapta sopānā | raghupati bhagati kera paṃthānā ||
ati hari kṛpā jāhi para hoī | pāum̐ dei ehiṃ māraga soī ||

मन कामना सिद्धि नर पावा । जे यह कथा कपट तजि गावा ॥
कहहिँ सुनहिँ अनुमोदन करहीं । ते गोपद इव भवनिधि तरहीं ॥

mana kāmanā siddhi nara pāvā | je yaha kathā kapaṭa taji gāvā ||
kahahim̐ sunahim̐ anumodana karahīṃ | te gopada iva bhavanidhi tarahīṃ ||

सुनि सब कथा हृदयँ अति भाई । गिरिजा बोली गिरा सुहाई ॥
नाथ कृपाँ मम गत सन्देहा । राम-चरन उपजेउ नव नेहा ॥

suni saba kathā hṛdayam̐ ati bhāī | girijā bolī girā suhāī ||
nātha kṛpām̐ mama gata sandehā | rāma-carana upajeu nava nehā ||