अध्याय 128: रामकथा के अधिकारी कौन

मति अनुरूप कथा मैं भाखी । जद्यपि प्रथम गुप्त करि राखी ॥
तव मन प्रीति देखि अधिकाई । तब मैं रघुपति कथा सुनाई ॥

mati anurūpa kathā maiṃ bhākhī | jadyapi prathama gupta kari rākhī ||
tava mana prīti dekhi adhikāī | taba maiṃ raghupati kathā sunāī ||

यह न कहिय सठही हठसीलहि । जो मन लाइ न सुन हरि लीलहि ॥
कहिय न लोभिहि क्रोधहि कामिहि । जो न भजइ सचराचर स्वामिहि ॥

yaha na kahiya saṭhahī haṭhasīlahi | jo mana lāi na suna hari līlahi ||
kahiya na lobhihi krodhahi kāmihi | jo na bhajai sacarācara svāmihi ||

द्विज द्रोहिहि न सुनाइअ कबहूँ । सुरपति सरिस होइ नृप जबहूँ ॥
राम कथा के तेइ अधिकारी । जिन्ह कें सतसङ्गति अति प्यारी ॥

dvija drohihi na sunāia kabahūm̐ | surapati sarisa hoi nṛpa jabahūm̐ ||
rāma kathā ke tei adhikārī | jinha keṃ satasaṅgati ati pyārī ||

गुरु पद प्रीति नीति रत जेई । द्विज-सेवक अधिकारी तेई ॥
ता कहँ यह बिसेष सुखदाई । जाहि प्रान प्रिय श्रीरघुराई ॥

guru pada prīti nīti rata jeī | dvija-sevaka adhikārī teī ||
tā kaham̐ yaha biseṣa sukhadāī | jāhi prāna priya śrīraghurāī ||