अध्याय 11: श्रीराम भरत की जटाएँ सुलझाते हैं

अवधपुरी अति रुचिर बनाई । देवन्ह सुमन-बृष्टि झरि लाई ॥
राम कहा सेवकन्ह बुलाई । प्रथम सखन्ह अन्हवावहु जाई ॥

avadhapurī ati rucira banāī | devanha sumana-bṛṣṭi jhari lāī ||
rāma kahā sevakanha bulāī | prathama sakhanha anhavāvahu jāī ||

सुनत बचन जहँ तहँ जन धाये । सुग्रीवादि तुरत अन्हवाये ॥
पुनि करुनानिधि भरत हँकारे । निज कर राम जटा निरुआरे ॥

sunata bacana jaham̐ taham̐ jana dhāye | sugrīvādi turata anhavāye ||
puni karunānidhi bharata ham̐kāre | nija kara rāma jaṭā niruāre ||

अन्हवाये प्रभु तीनिउँ भाई । भगत बछल कृपाल रघुराई ॥
भरत भाग्य प्रभु कोमलताई । सेष कोटि सत सकहिं न गाई ॥

anhavāye prabhu tīnium̐ bhāī | bhagata bachala kṛpāla raghurāī ||
bharata bhāgya prabhu komalatāī | seṣa koṭi sata sakahiṃ na gāī ||

पुनि निज जटा राम विवराये । गुरु अनुसासन माँगि नहाये ॥
करि मज्जन प्रभु भूषन साजे । अङ्ग अनङ्ग देखि छबि लाजे ॥

puni nija jaṭā rāma vivarāye | guru anusāsana mām̐gi nahāye ||
kari majjana prabhu bhūṣana sāje | aṅga anaṅga dekhi chabi lāje ||