अध्याय 10: कैकेयी को सान्त्वना, राज्याभिषेक की तैयारी

प्रभु जानी कैकेई लजानी । प्रथम तासु गृह गये भवानी ॥
ताहि प्रबोधि बहुत सुख दीन्हा । पुनि निज भवन गवन हरि कीन्हा ॥

prabhu jānī kaikeī lajānī | prathama tāsu gṛha gaye bhavānī ||
tāhi prabodhi bahuta sukha dīnhā | puni nija bhavana gavana hari kīnhā ||

कृपासिन्धु निज मन्दिर गये । पुर नर नारि सुखी सब भये ॥
गुरु बसिष्ठ द्विज लिये बुलाई । आज सुघरी सुदिन समुदाई ॥

kṛpāsindhu nija mandira gaye | pura nara nāri sukhī saba bhaye ||
guru basiṣṭha dvija liye bulāī | āja sugharī sudina samudāī ||

सब द्विज देहु हरषि अनुसासन । रामचन्द्र बैठहिँ सिंहासन ॥
मुनि बसिष्ठ के बचन सुहाये । सुनत सकल बिप्रन्ह अति भाये ॥

saba dvija dehu haraṣi anusāsana | rāmacandra baiṭhahim̐ siṃhāsana ||
muni basiṣṭha ke bacana suhāye | sunata sakala bipranha ati bhāye ||

कहहिं बचन मृदु बिप्र अनेका । जग अभिराम राम अभिषेका ॥
अब मुनिबर बिलम्ब नहिँ कीजै । महाराज कहँ तिलक करीजै ॥

kahahiṃ bacana mṛdu bipra anekā | jaga abhirāma rāma abhiṣekā ||
aba munibara bilamba nahim̐ kījai | mahārāja kaham̐ tilaka karījai ||