अध्याय 103: कलि में राम-गुणगान ही पर्याप्त

कृतजुग सब जोगी विज्ञानी । करि हरि ध्यान तरहिँ भव प्रानी ॥
त्रेताँ विविध जग्य नर करहीं । प्रभुहि समर्पि करम भव तरहीं ॥

kṛtajuga saba jogī vijñānī | kari hari dhyāna tarahim̐ bhava prānī ||
tretām̐ vividha jagya nara karahīṃ | prabhuhi samarpi karama bhava tarahīṃ ||

द्वापर करि रघुपति पद पूजा । नर भव तरहिं उपाय न दूजा ॥
कलिजुग केवल हरि गुन गाहा । गावत नर पावहिँ भव थाहा ॥

dvāpara kari raghupati pada pūjā | nara bhava tarahiṃ upāya na dūjā ||
kalijuga kevala hari guna gāhā | gāvata nara pāvahim̐ bhava thāhā ||

कलिजुग जोग न जज्ञ न ज्ञाना । एक अधार राम गुन गाना ॥
सब भरोस तजि जो भज रामहि । प्रेम समेत गाव गुन ग्रामहि ॥

kalijuga joga na jajña na jñānā | eka adhāra rāma guna gānā ||
saba bharosa taji jo bhaja rāmahi | prema sameta gāva guna grāmahi ||

सोइ भव तर कछु संसय नाहीँ । नाम प्रताप प्रगट कलि माहीं ॥
कलि कर एक पुनीत प्रतापा । मानस पुन्य होहिँ नहिँ पापा ॥

soi bhava tara kachu saṃsaya nāhīm̐ | nāma pratāpa pragaṭa kali māhīṃ ||
kali kara eka punīta pratāpā | mānasa punya hohim̐ nahim̐ pāpā ||