अध्याय 104: युगों के गुण, और अवध से प्रस्थान

नित जुग धर्म होहिँ सब केरे । हृदयँ राम माया के प्रेरे ॥
सुद्ध सत्व समता विज्ञाना । कृत प्रभाव प्रसन्न बन जाना ॥

nita juga dharma hohim̐ saba kere | hṛdayam̐ rāma māyā ke prere ||
suddha satva samatā vijñānā | kṛta prabhāva prasanna bana jānā ||

सत्व बहुत रज कछु रति कर्मा । सब विधि रुख त्रेता कर धर्मा ॥
बहु रज स्वल्प सत्व कछु तामस । द्वापर धर्म हरष भय मानस ॥

satva bahuta raja kachu rati karmā | saba vidhi rukha tretā kara dharmā ||
bahu raja svalpa satva kachu tāmasa | dvāpara dharma haraṣa bhaya mānasa ||

तामस बहुत रजोगुन थोरा । कलि प्रभाव बिरोध चहुँ ओरा ॥
बुध जुग धरम जानि मन माहीं । तजि अधर्म रति धर्म कराहीं ॥

tāmasa bahuta rajoguna thorā | kali prabhāva birodha cahum̐ orā ||
budha juga dharama jāni mana māhīṃ | taji adharma rati dharma karāhīṃ ||

काल धरम नहिं ब्यापहिँ ताही । रघुपति चरन प्रीति अति जाही ॥
नट कृत बिकट कपट खगराया । नट सेवकहि न व्यापइ माया ॥

kāla dharama nahiṃ byāpahim̐ tāhī | raghupati carana prīti ati jāhī ||
naṭa kṛta bikaṭa kapaṭa khagarāyā | naṭa sevakahi na vyāpai māyā ||