अध्याय 54: दूत द्वारा राम की सेना का वर्णन

नाथ कृपा करि पूँछेहु जैसें । मानहु कहा क्रोध तजि तैसें ॥
मिला जाइ जब अनुज तुम्हारा । जातहिं लाल तिलक तेहि सारा ॥

nātha kṛpā kari pūm̐chehu jaiseṃ | mānahu kahā krodha taji taiseṃ ||
milā jāi jaba anuja tumhārā | jātahiṃ lāla tilaka tehi sārā ||

रावन दूत हमहि सुनि काला । कपिन्ह बाँधि दीन्हे दुख नाना ॥
श्रवन नासिका काटै लागे । राम सपथ दीन्हे हम त्यागे ॥

rāvana dūta hamahi suni kālā | kapinha bām̐dhi dīnhe dukha nānā ||
śravana nāsikā kāṭai lāge | rāma sapatha dīnhe hama tyāge ||

पूँछिहु नाथ राम कटकाई । बदन कोटि सत बरनि न जाई ॥
नाना बरन भालु कपि धारी । बिकटानन बिसाल भय-कारी ॥

pūm̐chihu nātha rāma kaṭakāī | badana koṭi sata barani na jāī ||
nānā barana bhālu kapi dhārī | bikaṭānana bisāla bhaya-kārī ||

जेहिं पुर दहेउ हतेउ सुत तोरा । सकल कपिन्ह महँ तेहि बलु थोरा ॥
अमित नाम भट कठिन कराला । अमित नाग बल बिपुल बिसाला ॥

jehiṃ pura daheu hateu suta torā | sakala kapinha maham̐ tehi balu thorā ||
amita nāma bhaṭa kaṭhina karālā | amita nāga bala bipula bisālā ||