अध्याय 53: लौटे दूत से रावण के प्रश्न

तुरत नाइ लछिमन पद माथा । चले दूत बरनत गुन-गाथा ॥
कहत राम जस लंकाँ आये । रावन चरन सीस तिन्ह नाये ॥

turata nāi lachimana pada māthā | cale dūta baranata guna-gāthā ||
kahata rāma jasa laṃkām̐ āye | rāvana carana sīsa tinha nāye ||

बिहँसि दसानन पूछी बाता । कहसि न सुक आपनि कुसलाता ॥
पुनि कहु खबरि बिभीषन केरी । जाहिं मृत्यु आई अति नेरी ॥

biham̐si dasānana pūchī bātā | kahasi na suka āpani kusalātā ||
puni kahu khabari bibhīṣana kerī | jāhiṃ mṛtyu āī ati nerī ||

करत राज लङ्का सठ त्यागी । होइहि जब कर कीट अभागी ॥
पुनि कहु भालु-कीस कटकाई । कठिन काल प्रेरित चलि आई ॥

karata rāja laṅkā saṭha tyāgī | hoihi jaba kara kīṭa abhāgī ||
puni kahu bhālu-kīsa kaṭakāī | kaṭhina kāla prerita cali āī ||

जिन्ह के जीवन कर रखवारा । भयउ मृदुल चित सिन्धु बिचारा ॥
कहु तपसिन्ह के बात बहोरी । जिन्ह के हृदयँ त्रास अति मोरी ॥

jinha ke jīvana kara rakhavārā | bhayau mṛdula cita sindhu bicārā ||
kahu tapasinha ke bāta bahorī | jinha ke hṛdayam̐ trāsa ati morī ||