अध्याय 55: अठारह पद्म यूथपति वानर

ये कपि सब सुग्रीव समाना । इन्ह सम कोटिन्ह गनइ को नाना ॥
राम कृपाँ अतुलित बल तिन्हहीँ । तृन समान त्रेलोकहि गनहीं ॥

ye kapi saba sugrīva samānā | inha sama koṭinha ganai ko nānā ||
rāma kṛpām̐ atulita bala tinhahīm̐ | tṛna samāna trelokahi ganahīṃ ||

अस मैं सुना स्रवन सुना दसकन्धर । पदुम अठारह जूथप बन्दर ॥
नाथ कटक महँ सो कपि नाहीँ । जो न तुम्हहिँ जीतै रन माहीं ॥

asa maiṃ sunā sravana sunā dasakandhara | paduma aṭhāraha jūthapa bandara ||
nātha kaṭaka maham̐ so kapi nāhīm̐ | jo na tumhahim̐ jītai rana māhīṃ ||

परम क्रोध मीजहिँ सब हाथा । आयसु पै न देहिँ रघुनाथा ॥
सोखहिँ सिन्धु सहित झष ब्याला । पूरहिँ न त भरि कुधर बिसाला ॥

parama krodha mījahim̐ saba hāthā | āyasu pai na dehim̐ raghunāthā ||
sokhahim̐ sindhu sahita jhaṣa byālā | pūrahim̐ na ta bhari kudhara bisālā ||

मर्दि गर्द मिलवहिँ दससीसा । ऐसइ बचन कहहिँ सब कीसा ॥
गर्जहिँ तर्जहिँ सहज असङ्का । मानहुँ ग्रसन चहत हहिँ लङ्का ॥

mardi garda milavahim̐ dasasīsā | aisai bacana kahahim̐ saba kīsā ||
garjahim̐ tarjahim̐ sahaja asaṅkā | mānahum̐ grasana cahata hahim̐ laṅkā ||