अध्याय 50: समुद्र कैसे पार हो

अस प्रभु छाड़ि भजहिँ जे आना । ते नर पसु बिनु पूँछ विषाना ॥
निज जन जानि ताहि अपनावा । प्रभु सुभाव कपि कुल मन भावा ॥

asa prabhu chār̤i bhajahim̐ je ānā | te nara pasu binu pūm̐cha viṣānā ||
nija jana jāni tāhi apanāvā | prabhu subhāva kapi kula mana bhāvā ||

पुनि सर्वज्ञ सर्व उर बासी । सर्वरूप सब रहित उदासी ॥
बोले बचन नीति प्रतिपालक । कारन मनुज दनुज कुल घालक ॥

puni sarvajña sarva ura bāsī | sarvarūpa saba rahita udāsī ||
bole bacana nīti pratipālaka | kārana manuja danuja kula ghālaka ||

सुनु कपीस लङ्कापति बीरा । केहि बिधि तरिअ जलधि गम्भीरा ॥
सङ्कुल मकर उरग झष जाती । अति अगाध दुस्तर सब भाँती ॥

sunu kapīsa laṅkāpati bīrā | kehi bidhi taria jaladhi gambhīrā ||
saṅkula makara uraga jhaṣa jātī | ati agādha dustara saba bhām̐tī ||

कह लंकेस सुनहु रघुनायक । कोटि सिन्धु सोषक तब सायक ॥
जद्यपि तदपि नीति असि गाई । बिनय करिय सागर सन जाई ॥

kaha laṃkesa sunahu raghunāyaka | koṭi sindhu soṣaka taba sāyaka ||
jadyapi tadapi nīti asi gāī | binaya kariya sāgara sana jāī ||