अध्याय 5: रामायुध से अंकित भवन

प्रबिसि नगर कीजे सब काजा । हृदयँ राखि कोसलपुर-राजा ॥
गरल सुधा रिपु करइ मिताई । गो-पद सिन्धु अनल सितलाई ॥

prabisi nagara kīje saba kājā | hṛdayam̐ rākhi kosalapura-rājā ||
garala sudhā ripu karai mitāī | go-pada sindhu anala sitalāī ||

गरुअ सुमेरु रेनू सम ताही । राम कृपा करि चितवा जाही ॥
अति लघु रूप धरेउ हनुमाना । पैठा नगर सुमिरि भगवाना ॥

garua sumeru renū sama tāhī | rāma kṛpā kari citavā jāhī ||
ati laghu rūpa dhareu hanumānā | paiṭhā nagara sumiri bhagavānā ||

मन्दिर मन्दिर प्रति करि सोधा । देखे जहँ तहँ अगनित जोधा ॥
गयउ दसानन मन्दिर माहीं । अति बिचित्र कहि जात सो नाहीं ॥

mandira mandira prati kari sodhā | dekhe jaham̐ taham̐ aganita jodhā ||
gayau dasānana mandira māhīṃ | ati bicitra kahi jāta so nāhīṃ ||

सयन किये देखा कपि तेही । मन्दिर महँ न दीख वैदेही ॥
भवन एक पुनि दीख सुहावा । हरि मन्दिर तहँ भिन्न बनावा ॥

sayana kiye dekhā kapi tehī | mandira maham̐ na dīkha vaidehī ||
bhavana eka puni dīkha suhāvā | hari mandira taham̐ bhinna banāvā ||