अध्याय 6: हनुमान और विभीषण की भेंट

लङ्का निसिचर निकर निवासा । इहाँ कहाँ सज्जन कर बासा ॥
मन महँ तरक करइ कपि लागा । तेहीं समय बिभीषन जागा ॥

laṅkā nisicara nikara nivāsā | ihām̐ kahām̐ sajjana kara bāsā ||
mana maham̐ taraka karai kapi lāgā | tehīṃ samaya bibhīṣana jāgā ||

राम राम तेहिं सुमिरन कीन्हा । हृदयँ हरष कपि सज्जन चीन्हा ॥
एहि सन हठि करिहउँ पहिचानी । साधु ते होइ न कारज हानी ॥

rāma rāma tehiṃ sumirana kīnhā | hṛdayam̐ haraṣa kapi sajjana cīnhā ||
ehi sana haṭhi karihaum̐ pahicānī | sādhu te hoi na kāraja hānī ||

बिप्र रूप धरि बचन सुनाये । सुनत विभीषन उठि तहँ आये ॥
करि प्रनाम पूछी कुसलाई । बिप्र कहहु निज कथा बुझाई ॥

bipra rūpa dhari bacana sunāye | sunata vibhīṣana uṭhi taham̐ āye ||
kari pranāma pūchī kusalāī | bipra kahahu nija kathā bujhāī ||

की तुम्ह हरि दासन्ह महँ कोई । मोरें हृदय प्रीति अति होई ॥
की तुम्ह राम दीन-अनुरागी । आयहु मोहि करन बड़-भागी ॥

kī tumha hari dāsanha maham̐ koī | moreṃ hṛdaya prīti ati hoī ||
kī tumha rāma dīna-anurāgī | āyahu mohi karana bar̤a-bhāgī ||