अध्याय 44: श्रीराम का शरणागत वचन

कोटि बिप्र बध लागहिँ जाहू । आये सरन तजउँ नहिँ ताहू ॥
सनमुख होइ जीव मोहि जबहीँ । जनम कोटि अघ नासहिं तबहीं ॥

koṭi bipra badha lāgahim̐ jāhū | āye sarana tajaum̐ nahim̐ tāhū ||
sanamukha hoi jīva mohi jabahīm̐ | janama koṭi agha nāsahiṃ tabahīṃ ||

पापवन्त कर सहज सुभाऊ । भजन मोर तेहि भाव न काऊ ॥
जौँ पै दुष्ट हृदय सोइ होई । मोरें सनमुख आव कि सोई ॥

pāpavanta kara sahaja subhāū | bhajana mora tehi bhāva na kāū ||
jaum̐ pai duṣṭa hṛdaya soi hoī | moreṃ sanamukha āva ki soī ||

निर्मल मन जन सो मोहि पावा । मोहि कपट छल-छिद्र न भावा ॥
भेद लेन पठवा दससीसा । तबहुँ न कछु भय हानि कपीसा ॥

nirmala mana jana so mohi pāvā | mohi kapaṭa chala-chidra na bhāvā ||
bheda lena paṭhavā dasasīsā | tabahum̐ na kachu bhaya hāni kapīsā ||

जग महँ सखा निसाचर जेते । लछिमन हनइँ निमिष महँ तेते ॥
जौँ सभीत आवा सरनाई । रखिहउँ ताहि प्रान की नाँई ॥

jaga maham̐ sakhā nisācara jete | lachimana hanaim̐ nimiṣa maham̐ tete ||
jaum̐ sabhīta āvā saranāī | rakhihaum̐ tāhi prāna kī nām̐ī ||