अध्याय 43: सुग्रीव का सन्देह, श्रीराम का प्रण

एहि बिधि करत सप्रेम बिचारा । आयउ सपदि सिन्धु एहिं पारा ॥
कपिन्ह बिभीषन आवत देखा । जाना कोउ रिपु दूत बिसेखा ॥

ehi bidhi karata saprema bicārā | āyau sapadi sindhu ehiṃ pārā ||
kapinha bibhīṣana āvata dekhā | jānā kou ripu dūta bisekhā ||

ताहि राखि कपीस पहिँ आये । समाचार सब ताहि सुनाये ॥
कह सुग्रीव सुनहु रघुराई । आवा मिलन दसानन भाई ॥

tāhi rākhi kapīsa pahim̐ āye | samācāra saba tāhi sunāye ||
kaha sugrīva sunahu raghurāī | āvā milana dasānana bhāī ||

कह प्रभु सखा बूझिऐ काहा । कहइ कपीस सुनहु नरनाहा ॥
जानि न जाइ निसाचर माया । काम-रूप केहि कारन आया ॥

kaha prabhu sakhā būjhiai kāhā | kahai kapīsa sunahu naranāhā ||
jāni na jāi nisācara māyā | kāma-rūpa kehi kārana āyā ||

भेद हमार लेन सठ आवा । राखिअ बांधि मोहि अस भावा ॥
सखा नीति तुम्ह नीकि बिचारी । मम पन सरनागत-भय-हारी ॥

bheda hamāra lena saṭha āvā | rākhia bāṃdhi mohi asa bhāvā ||
sakhā nīti tumha nīki bicārī | mama pana saranāgata-bhaya-hārī ||

सुनि प्रभु बचन हरष हनुमाना । सरनागत बच्छल भगवाना ॥

suni prabhu bacana haraṣa hanumānā | saranāgata bacchala bhagavānā ||