अध्याय 33: सब आपका प्रताप है, रघुराई

बार बार प्रभु चहहिँ उठावा । प्रेम मगन तेहि उठब न भावा ॥
प्रभु कर पङ्कज कपि कें सीसा । सुमिरि सो दसा मगन गौरीसा ॥

bāra bāra prabhu cahahim̐ uṭhāvā | prema magana tehi uṭhaba na bhāvā ||
prabhu kara paṅkaja kapi keṃ sīsā | sumiri so dasā magana gaurīsā ||

सावधान मन करि पुनि सङ्कर । लागे कहन कथा अति सुन्दर ॥
कपि उठाइ प्रभु हृदयँ लगावा । कर गहि परम निकट बैठावा ॥

sāvadhāna mana kari puni saṅkara | lāge kahana kathā ati sundara ||
kapi uṭhāi prabhu hṛdayam̐ lagāvā | kara gahi parama nikaṭa baiṭhāvā ||

कहु कपि रावन पालित लङ्का । केहि बिधि दहेउ दुर्ग अति बङ्का ॥
प्रभु प्रसन्न जाना हनुमाना । बोला बचन बिगत अभिमाना ॥

kahu kapi rāvana pālita laṅkā | kehi bidhi daheu durga ati baṅkā ||
prabhu prasanna jānā hanumānā | bolā bacana bigata abhimānā ||

साखामृग कै बड़ि मनुसाई । साखा तेँ साखा पर जाई ॥
नाँघि सिन्धु हाटकपुर जारा । निसिचर-गन बिधि विपिन उजारा ॥

sākhāmṛga kai bar̤i manusāī | sākhā tem̐ sākhā para jāī ||
nām̐ghi sindhu hāṭakapura jārā | nisicara-gana bidhi vipina ujārā ||

सो सब तव प्रताप रघुराई । नाथ न कछू मोरि प्रभुताई ॥

so saba tava pratāpa raghurāī | nātha na kachū mori prabhutāī ||