अध्याय 34: हनुमान भक्ति माँगते हैं, सेना जुटती है

नाथ भगति अति सुखदायनी । देहु कृपा करि अनपायनी ॥
सुनि प्रभु परम सरल कपि बानी । एवमस्तु तब कहेउ भवानी ॥

nātha bhagati ati sukhadāyanī | dehu kṛpā kari anapāyanī ||
suni prabhu parama sarala kapi bānī | evamastu taba kaheu bhavānī ||

उमा राम सुभाव जेहिं जाना । ताहि भजन तजि भाव न आना ॥
यह सम्बाद जासु उर आवा । रघुपति-चरन-भगति सोइ पावा ॥

umā rāma subhāva jehiṃ jānā | tāhi bhajana taji bhāva na ānā ||
yaha sambāda jāsu ura āvā | raghupati-carana-bhagati soi pāvā ||

सुनि प्रभु बचन कहहिँ कपि बृन्दा । जय जय जय कृपाल सुखकन्दा ॥
तब रघुपति कपिपतिहि बोलावा । कहा चलइ कर करहु बनावा ॥

suni prabhu bacana kahahim̐ kapi bṛndā | jaya jaya jaya kṛpāla sukhakandā ||
taba raghupati kapipatihi bolāvā | kahā calai kara karahu banāvā ||

अब बिलम्ब केहि कारन कीजै । तुरत कपिन्ह कह आयसु दीजै ॥
कौतुक देखि सुमन बहु बरषी । नभ तें भवन चले सुर हरषी ॥

aba bilamba kehi kārana kījai | turata kapinha kaha āyasu dījai ||
kautuka dekhi sumana bahu baraṣī | nabha teṃ bhavana cale sura haraṣī ||