अध्याय 16: हनुमान का विशाल रूप

जौँ रघुबीर होति सुधि पाई । करते नहिँ बिलम्ब रघुराई ॥
राम बान रबि उये जानकी । तम बरूथ कहँ जातुधान की ॥

jaum̐ raghubīra hoti sudhi pāī | karate nahim̐ bilamba raghurāī ||
rāma bāna rabi uye jānakī | tama barūtha kaham̐ jātudhāna kī ||

अबहिं मातु मैँ जाउँ लवाई । प्रभु आयसु नहिं राम-दोहाई ॥
कछुक दिवस जननी धरु धीरा । कपिन्ह सहित अइहहिं रघुबीरा ॥

abahiṃ mātu maim̐ jāum̐ lavāī | prabhu āyasu nahiṃ rāma-dohāī ||
kachuka divasa jananī dharu dhīrā | kapinha sahita aihahiṃ raghubīrā ||

निसिचर मारि तोहि लेइ जैहहिं । तिहुँ पुर नारदादि जस गैहहिं ॥
हैं सुत कपि सब तुम्हहिं समाना । जातुधान अति भट अति बलवाना ॥

nisicara māri tohi lei jaihahiṃ | tihum̐ pura nāradādi jasa gaihahiṃ ||
haiṃ suta kapi saba tumhahiṃ samānā | jātudhāna ati bhaṭa ati balavānā ||

मोरें हृदय परम सन्देहा । सुनि कपि प्रगट कीन्हि निज देहा ॥
कनक-भूधराकार सरीरा । समर-भयङ्कर अति बल-बीरा ॥

moreṃ hṛdaya parama sandehā | suni kapi pragaṭa kīnhi nija dehā ||
kanaka-bhūdharākāra sarīrā | samara-bhayaṅkara ati bala-bīrā ||

सीता मन भरोस तब भयऊ । पुनि लघु रूप पवन-सुत लयऊ ॥

sītā mana bharosa taba bhayaū | puni laghu rūpa pavana-suta layaū ||