जौँ रघुबीर होति सुधि पाई । करते नहिँ बिलम्ब रघुराई ॥
राम बान रबि उये जानकी । तम बरूथ कहँ जातुधान की ॥
jaum̐ raghubīra hoti sudhi pāī | karate nahim̐ bilamba raghurāī ||
rāma bāna rabi uye jānakī | tama barūtha kaham̐ jātudhāna kī ||
Sundara Kanda
Chapter 16: Hanuman shows his giant form
6 verses · 16 of 60
What happens in this chapter
Hanuman shows his giant form
Had Raghubir known where you were, Hanuman says, he would not have delayed. I could carry you off now, mother, but by Rama I have no such order. Bear a few more days; he will come with the monkeys, slay the rakshasas and take you home, and Narada will sing his glory in the three worlds. Sita doubts: son, are all the monkeys like you? The rakshasas are very strong. Hanuman shows his true body, vast as a golden mountain, terrible in battle. Her heart takes courage, and he shrinks again. Monkeys have no great strength or wit, mother; by the Lord's glory a tiny snake can swallow Garuda.
अबहिं मातु मैँ जाउँ लवाई । प्रभु आयसु नहिं राम-दोहाई ॥
कछुक दिवस जननी धरु धीरा । कपिन्ह सहित अइहहिं रघुबीरा ॥
abahiṃ mātu maim̐ jāum̐ lavāī | prabhu āyasu nahiṃ rāma-dohāī ||
kachuka divasa jananī dharu dhīrā | kapinha sahita aihahiṃ raghubīrā ||
निसिचर मारि तोहि लेइ जैहहिं । तिहुँ पुर नारदादि जस गैहहिं ॥
हैं सुत कपि सब तुम्हहिं समाना । जातुधान अति भट अति बलवाना ॥
nisicara māri tohi lei jaihahiṃ | tihum̐ pura nāradādi jasa gaihahiṃ ||
haiṃ suta kapi saba tumhahiṃ samānā | jātudhāna ati bhaṭa ati balavānā ||
मोरें हृदय परम सन्देहा । सुनि कपि प्रगट कीन्हि निज देहा ॥
कनक-भूधराकार सरीरा । समर-भयङ्कर अति बल-बीरा ॥
moreṃ hṛdaya parama sandehā | suni kapi pragaṭa kīnhi nija dehā ||
kanaka-bhūdharākāra sarīrā | samara-bhayaṅkara ati bala-bīrā ||
सीता मन भरोस तब भयऊ । पुनि लघु रूप पवन-सुत लयऊ ॥
sītā mana bharosa taba bhayaū | puni laghu rūpa pavana-suta layaū ||
सुनु माता साखामृग, नहिँ बल-बुद्धि बिसाल ।
प्रभु प्रताप तेँ गरुड़हि, खाइ परम लघु ब्याल ॥
sunu mātā sākhāmṛga, nahim̐ bala-buddhi bisāla |
prabhu pratāpa tem̐ garur̤ahi, khāi parama laghu byāla ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0