अध्याय 67: कुम्भकर्ण का संहार और श्रीराम का आगे बढ़ना

कुम्भकरन रन रङ्ग विरुद्धा । सन्मुख चला काल जनु क्रुद्धा ॥
कोटि कोटि कपि धरि धरि खाई । जनु टीड़ी गिरि-गुहाँ-समाई ॥

kumbhakarana rana raṅga viruddhā | sanmukha calā kāla janu kruddhā ||
koṭi koṭi kapi dhari dhari khāī | janu ṭīr̤ī giri-guhām̐-samāī ||

कोटिन्ह गहि सरीर सन मर्दा । कोटिन्ह मीजि मिलब महि गर्दा ॥
मुख नासा श्रवनन्हि कीं बाटा । निसरि पराहिँ भालु कपि ठाटा ॥

koṭinha gahi sarīra sana mardā | koṭinha mīji milaba mahi gardā ||
mukha nāsā śravananhi kīṃ bāṭā | nisari parāhim̐ bhālu kapi ṭhāṭā ||

रन-मद-मत्त निसाचर दर्पा । बिस्व ग्रसिहि जनु एहि बिधि अर्पा ॥
मुरे सुभट सब फिरहिँ न फेरे । सूझ न नयन सुनहिँ नहिँ टेरे ॥

rana-mada-matta nisācara darpā | bisva grasihi janu ehi bidhi arpā ||
mure subhaṭa saba phirahim̐ na phere | sūjha na nayana sunahim̐ nahim̐ ṭere ||

कुम्भकरन कपि फौज बिडारी । सुनि धाई रजनीचर-धारी ॥
देखी राम बिकल कटकाई । रिपु अनीक नाना विधि आई ॥

kumbhakarana kapi phauja biḍārī | suni dhāī rajanīcara-dhārī ||
dekhī rāma bikala kaṭakāī | ripu anīka nānā vidhi āī ||