अध्याय 66: सुग्रीव का छूटना और कुम्भकर्ण के नाक-कान काटना

उमा करत रघुपति नरलीला । खेलत गरुड़ जिमि अहिगन मीला ॥
भृकुटि भङ्ग जो कालहि खाई । ताहि कि सोहइ ऐसि लराई ॥

umā karata raghupati naralīlā | khelata garur̤a jimi ahigana mīlā ||
bhṛkuṭi bhaṅga jo kālahi khāī | tāhi ki sohai aisi larāī ||

जग-पावनि कीरति बिस्तरिहहिं । गाइ गाइ भवनिधि नर तरिहहिँ ॥
मुरुछा गइ मारुत-सुत जागा । सुग्रीवहिँ तब खोजन लागा ॥

jaga-pāvani kīrati bistarihahiṃ | gāi gāi bhavanidhi nara tarihahim̐ ||
muruchā gai māruta-suta jāgā | sugrīvahim̐ taba khojana lāgā ||

सुग्रीवहु कै मुरुछा बीती । निबुक गयो तेहि मृतक प्रतीती ॥
काटेसि दसन नासिका काना । गरजि अकास चलउ तेहिं जाना ॥

sugrīvahu kai muruchā bītī | nibuka gayo tehi mṛtaka pratītī ||
kāṭesi dasana nāsikā kānā | garaji akāsa calau tehiṃ jānā ||

गहेउ चरन धरि धरनि पछारा । अति लाघवँ उठि पुनि तेहि मारा ॥
पुनि आयउ प्रभु पहिँ बलवाना । जयति जयति जय कृपानिधाना ॥

gaheu carana dhari dharani pachārā | ati lāghavam̐ uṭhi puni tehi mārā ||
puni āyau prabhu pahim̐ balavānā | jayati jayati jaya kṛpānidhānā ||

नाक कान काटे जियँ जानी । फिरा क्रोध करि भइ मन ग्लानी ॥
सहज-भीम पुनि बिनु श्रुति नासा । देखत कपि दल उपजी त्रासा ॥

nāka kāna kāṭe jiyam̐ jānī | phirā krodha kari bhai mana glānī ||
sahaja-bhīma puni binu śruti nāsā | dekhata kapi dala upajī trāsā ||