अध्याय 6: मंदोदरी रावण से सीता लौटाने की विनती करती है

निज बिकलता बिचारि बहोरी । बिहँसि गयउ ग्रह करि भय भोरी ॥
मंदोदरीं सुन्यो प्रभु आयो । कौतुक ही पाथोधि बँधायो ॥

nija bikalatā bicāri bahorī | biham̐si gayau graha kari bhaya bhorī ||
maṃdodarīṃ sunyo prabhu āyo | kautuka hī pāthodhi bam̐dhāyo ||

कर गहि पतिहि भवन निज आनी । बोली परम-मनोहर बानी ॥
चरन नाइ सिर अञ्चल रोपा । सुनहु बचन पिय परिहरि कोपा ॥

kara gahi patihi bhavana nija ānī | bolī parama-manohara bānī ||
carana nāi sira añcala ropā | sunahu bacana piya parihari kopā ||

नाथ भैर कीजे ताही सोँ । बुधि बल सकिअ जीति जाही सोँ ॥
तुम्हहि रघुपतिहि अन्तर कैसा । खलु खद्योत दिनकरहि जैसा ॥

nātha bhaira kīje tāhī som̐ | budhi bala sakia jīti jāhī som̐ ||
tumhahi raghupatihi antara kaisā | khalu khadyota dinakarahi jaisā ||

अति बल मधु-कैटभ जेहिं मारे । महाबीर दितिसुत सङ्घारे ॥
जेहिं बलि बाँधि सहजभुज मारा । सोइ अवतरेउ हरन महि-भारा ॥

ati bala madhu-kaiṭabha jehiṃ māre | mahābīra ditisuta saṅghāre ||
jehiṃ bali bām̐dhi sahajabhuja mārā | soi avatareu harana mahi-bhārā ||

तासु बिरोध न कीजिय नाथा । काल करम जिव जाकें हाथा ॥

tāsu birodha na kījiya nāthā | kāla karama jiva jākeṃ hāthā ||