अध्याय 7: मंदोदरी: प्रभु तुम पर दया करने आए हैं

नाथ दीन दयाल रघुराई । बाघउ सनमुख गये न खाई ॥
चाहिय करन सो सब करि बीते । तुम्ह सुर असुर चराचर जीते ॥

nātha dīna dayāla raghurāī | bāghau sanamukha gaye na khāī ||
cāhiya karana so saba kari bīte | tumha sura asura carācara jīte ||

सन्त कहहिँ असि नीति दसानन । चौथे पन जाइहि नृप कानन ॥
तासु भजन कीजिय तहँ भर्ता । जो कर्ता पालन संहर्ता ॥

santa kahahim̐ asi nīti dasānana | cauthe pana jāihi nṛpa kānana ||
tāsu bhajana kījiya taham̐ bhartā | jo kartā pālana saṃhartā ||

सोइ रघुबीर प्रनत-अनुरागी । भजहु नाथ ममता सब त्यागी ॥
मुनिबर जतन कहिँ जेहि लागी । भूप राज तजि होहिँ बिरागी ॥

soi raghubīra pranata-anurāgī | bhajahu nātha mamatā saba tyāgī ||
munibara jatana kahim̐ jehi lāgī | bhūpa rāja taji hohim̐ birāgī ||

सोइ कोसलधीस रघुराया । आयउ करन तोहि पर दाया ॥
जौँ पिय मानहु मोर सिखावन । सुजस होइ तिहुँ पुर अति पावन ॥

soi kosaladhīsa raghurāyā | āyau karana tohi para dāyā ||
jaum̐ piya mānahu mora sikhāvana | sujasa hoi tihum̐ pura ati pāvana ||