अध्याय 50: मेघनाद के बाणों से वानर गिरे

कहँ कोसलाधीस दोउ भ्राता । धन्वी सकल लोक बिख्याता ॥
कहँ नल-नील-दुबिद-सुग्रीवाँ । अङ्गद हनूमन्त बल सींवा ॥

kaham̐ kosalādhīsa dou bhrātā | dhanvī sakala loka bikhyātā ||
kaham̐ nala-nīla-dubida-sugrīvām̐ | aṅgada hanūmanta bala sīṃvā ||

कहाँ बिभीषन भ्राताद्रोही । आजु सबहि हठि मारउँ ओही ॥
अस कहि कठिन बान सन्धाने । अतिसय क्रोध श्रवन लगि ताने ॥

kahām̐ bibhīṣana bhrātādrohī | āju sabahi haṭhi māraum̐ ohī ||
asa kahi kaṭhina bāna sandhāne | atisaya krodha śravana lagi tāne ||

सर-समूह सो छाड़ै लागा । जनु सपच्छ धावहिं बहु नागा ॥
जहँ तहँ परत देखि अहिबानर । सनमुख होइ न सके तेहि अवसर ॥

sara-samūha so chār̤ai lāgā | janu sapaccha dhāvahiṃ bahu nāgā ||
jaham̐ taham̐ parata dekhi ahibānara | sanamukha hoi na sake tehi avasara ||

जहँ तहँ लागि चले कपि रीछा । बिसरी सबहि जुद्ध कै ईछा ॥
सो कपि भालु न रन महँ देखा । कीन्हेसि जेहि न प्रान अवसेखा ॥

jaham̐ taham̐ lāgi cale kapi rīchā | bisarī sabahi juddha kai īchā ||
so kapi bhālu na rana maham̐ dekhā | kīnhesi jehi na prāna avasekhā ||