अध्याय 47: राम के अग्निबाण से अंधकार मिटा

सकल मरम रघुनायक जाना । लिये बोलि अङ्गद हनुमाना ॥
समाचार सब कहि समुझाए । सुनत कोपि-कपि-कुञ्जर धाये ॥

sakala marama raghunāyaka jānā | liye boli aṅgada hanumānā ||
samācāra saba kahi samujhāe | sunata kopi-kapi-kuñjara dhāye ||

पुनि कृपाल हँसि चाप चढ़ावा । पावक-सायक सपदि चलावा ॥
भयउ प्रकास कतहुँ तम नाहीं । ज्ञान उदयँ जिमि संसय जाहीँ ॥

puni kṛpāla ham̐si cāpa car̤hāvā | pāvaka-sāyaka sapadi calāvā ||
bhayau prakāsa katahum̐ tama nāhīṃ | jñāna udayam̐ jimi saṃsaya jāhīm̐ ||

भालु-बलीमुख पाइ प्रकासा । धाये हरषि बिगत-श्रम-त्रासा ॥
हनुमान अङ्गद रन गाजे । हाँक सुनत रजनीचर भाजे ॥

bhālu-balīmukha pāi prakāsā | dhāye haraṣi bigata-śrama-trāsā ||
hanumāna aṅgada rana gāje | hām̐ka sunata rajanīcara bhāje ||

भागत भट पटकहिँ धरि धरनी । करहिँ भालु-कपि अद्भुत-करनी ॥
गहि पद डारहिँ सागर माहीँ । मकर-उरग-झष धरि धरि खाहीं ॥

bhāgata bhaṭa paṭakahim̐ dhari dharanī | karahim̐ bhālu-kapi adbhuta-karanī ||
gahi pada ḍārahim̐ sāgara māhīm̐ | makara-uraga-jhaṣa dhari dhari khāhīṃ ||