अध्याय 48: माल्यवान रावण को संधि की सलाह देता है

निसा जानि कपि चारिउ अनी । आये जहाँ कोसला-धनी ॥
राम-कृपा-करि चितवा जबहीं । भये बिगतश्रम बानर तबही ॥

nisā jāni kapi cāriu anī | āye jahām̐ kosalā-dhanī ||
rāma-kṛpā-kari citavā jabahīṃ | bhaye bigataśrama bānara tabahī ||

उहाँ दसानन सचिव हँकारे । सब सन कहेसि सुभट जे मारे ॥
आधा कटक कपिन्ह सङ्घारा । कहहु बेगि का करिय बिचारा ॥

uhām̐ dasānana saciva ham̐kāre | saba sana kahesi subhaṭa je māre ||
ādhā kaṭaka kapinha saṅghārā | kahahu begi kā kariya bicārā ||

माल्यवन्त अति जरठ निसाचर । रावन-मातु-पिता मन्त्री बर ॥
बोला बचन नीति अति-पावन । सुनहु तात कछु मोर सिखावन ॥

mālyavanta ati jaraṭha nisācara | rāvana-mātu-pitā mantrī bara ||
bolā bacana nīti ati-pāvana | sunahu tāta kachu mora sikhāvana ||

जब ते तुम्ह सीता हरि आनी । असगुन होहिं न जाहिँ बखानी ॥
बेद-पुरान जासु जस गावा । राम बिमुख काहुँ न सुख काहुन पावा ॥

jaba te tumha sītā hari ānī | asaguna hohiṃ na jāhim̐ bakhānī ||
beda-purāna jāsu jasa gāvā | rāma bimukha kāhum̐ na sukha kāhuna pāvā ||