अध्याय 44: अंगद और हनुमान का रावण के महल पर धावा

जुद्ध-बिरुद्ध क्रुद्ध द्वौ बन्दर । राम-प्रताप सुमिरि उर-अन्तर ॥
रावन-भवन चढ़े दोउ धाई । करहिं कोसलाधीस दोहाई ॥

juddha-biruddha kruddha dvau bandara | rāma-pratāpa sumiri ura-antara ||
rāvana-bhavana car̤he dou dhāī | karahiṃ kosalādhīsa dohāī ||

कलस सहित गहि भवन ढहावा । देखि निसाचर-पति मय पावा ॥
नारि-वृन्द कर पीटहिँ छाती । अब दुइ कपि आये उतपाती ॥

kalasa sahita gahi bhavana ḍhahāvā | dekhi nisācara-pati maya pāvā ||
nāri-vṛnda kara pīṭahim̐ chātī | aba dui kapi āye utapātī ||

कपि-लीला करि तिन्हहिँ डेरावहिं । रामचन्द्र कर सुजस सुनावहिँ ॥
पुनि कर गहि कञ्चन के खंभा । कहेन्हि करिय उतपात अरम्भा ॥

kapi-līlā kari tinhahim̐ ḍerāvahiṃ | rāmacandra kara sujasa sunāvahim̐ ||
puni kara gahi kañcana ke khaṃbhā | kahenhi kariya utapāta arambhā ||

गर्जि परे रिपु-कटक मझारी । लागे मर्दै भुज बल भारी ॥
काहुहि लात चपेटन्हि केहू । भजहु न रामहि सो फल लेहू ॥

garji pare ripu-kaṭaka majhārī | lāge mardai bhuja bala bhārī ||
kāhuhi lāta capeṭanhi kehū | bhajahu na rāmahi so phala lehū ||