अध्याय 43: हनुमान ने मेघनाद का रथ तोड़ा

भय आतुर कपि भागन लागे । जद्यपि उमा जीतिहहिं आगे ॥
कोउ कह कहँ अङ्गद हनुमन्ता । कहँ नल नील दुबिद बलवन्ता ॥

bhaya ātura kapi bhāgana lāge | jadyapi umā jītihahiṃ āge ||
kou kaha kaham̐ aṅgada hanumantā | kaham̐ nala nīla dubida balavantā ||

निज दल बिकल सुना हनुमाना । पच्छिम द्वार रहा बलवाना ॥
मेघनाद तहँ करइ लराई । टूट न द्वार परम कठिनाई ॥

nija dala bikala sunā hanumānā | pacchima dvāra rahā balavānā ||
meghanāda taham̐ karai larāī | ṭūṭa na dvāra parama kaṭhināī ||

पवन तनय मन भा अति क्रोधा । गर्जेउ प्रबल-काल-सम जोधा ॥
कूदि लंक-गढ़ ऊपर आवा । गहि गिरि मेघनाद कहुँ धावा ॥

pavana tanaya mana bhā ati krodhā | garjeu prabala-kāla-sama jodhā ||
kūdi laṃka-gar̤ha ūpara āvā | gahi giri meghanāda kahum̐ dhāvā ||

भञ्जेउ-रथ सारथी-निपाता । ताहि हृदय महँ मारेसि लाता ॥
दुसरें सूत बिकल तेहि जाना । स्यन्दन घालि तुरत गृह आना ॥

bhañjeu-ratha sārathī-nipātā | tāhi hṛdaya maham̐ māresi lātā ||
dusareṃ sūta bikala tehi jānā | syandana ghāli turata gṛha ānā ||