अध्याय 4: प्रभु को देखने जलचर उमड़ आते हैं

बाँधि सेतु अति सुदृढ़ बनावा । देखि कृपानिधि के मन भावा ॥
चली सेन कछु बरनि न जाई । गर्जहिँ मरकट भट समुदाई ॥

bām̐dhi setu ati sudṛr̤ha banāvā | dekhi kṛpānidhi ke mana bhāvā ||
calī sena kachu barani na jāī | garjahim̐ marakaṭa bhaṭa samudāī ||

सेतुबन्ध ढिग चढ़ि रघुराई । चितव कृपाल सिन्धु बहुताई ॥
देखन कहँ प्रभु करुना कन्दा । प्रगट भये सब जलचर-बृन्दा ॥

setubandha ḍhiga car̤hi raghurāī | citava kṛpāla sindhu bahutāī ||
dekhana kaham̐ prabhu karunā kandā | pragaṭa bhaye saba jalacara-bṛndā ||

मकर नक्र नाना झष व्याला । सत-जोजन-तन परम बिसाला ॥
अइसेउ एक तिन्हहि जे खाहीं । एकन्ह कें डर तेपि डेराहीं ॥

makara nakra nānā jhaṣa vyālā | sata-jojana-tana parama bisālā ||
aiseu eka tinhahi je khāhīṃ | ekanha keṃ ḍara tepi ḍerāhīṃ ||

प्रभुहि बिलोकहिँ टरहिं न टारे । मन हरषित सब भये सुखारे ॥
तिन्ह की ओट न देखिअ बारी । मगन भये हरि रूप निहारी ॥

prabhuhi bilokahim̐ ṭarahiṃ na ṭāre | mana haraṣita saba bhaye sukhāre ||
tinha kī oṭa na dekhia bārī | magana bhaye hari rūpa nihārī ||

चला कटकु प्रभु आयसु पाई । को कहि सक कपि-दल-बिपुलाई ॥

calā kaṭaku prabhu āyasu pāī | ko kahi saka kapi-dala-bipulāī ||