अध्याय 19: रावण की सभा में अंगद

तुरत निसाचर एक पठावा । समाचार रावनहि जनावा ॥
सुनत बिहँसि बोला दससीसा । आनहु बोलि कहाँ कर कीसा ॥

turata nisācara eka paṭhāvā | samācāra rāvanahi janāvā ||
sunata biham̐si bolā dasasīsā | ānahu boli kahām̐ kara kīsā ||

आयसु पाइ दूत बहु धाये । कपि-कुञ्जरहि बोलि लेइ आये ॥
अङ्गद दीख दसानन बैंसें । सहित प्रान कज्जल गिरि जैसा ॥

āyasu pāi dūta bahu dhāye | kapi-kuñjarahi boli lei āye ||
aṅgada dīkha dasānana baiṃseṃ | sahita prāna kajjala giri jaisā ||

भुजा बिटप सिर सृङ्ग समाना । रोमावली लता जनु नाना ॥
मुख नासिका नयन अरु काना । गिरि कंदरा खोह अनुमाना ॥

bhujā biṭapa sira sṛṅga samānā | romāvalī latā janu nānā ||
mukha nāsikā nayana aru kānā | giri kaṃdarā khoha anumānā ||

गयउ सभाँ मन नेकु न मुरा । बालि-तनय अति-अल-बाँकुरा ॥
उठे सभासद कपि कह देखी । रावन उर भा क्रोध बिसेखी ॥

gayau sabhām̐ mana neku na murā | bāli-tanaya ati-ala-bām̐kurā ||
uṭhe sabhāsada kapi kaha dekhī | rāvana ura bhā krodha bisekhī ||