अध्याय 118: प्रभु का वानरों को घर लौटने को कहना

भालु कपिन्ह पट भूषन पाये । पहिरि पहिरि रघुपति पहिँ आये ॥
नाना जिनस देखि सब कीसा । पुनि पुनि हँसत कोसलाधीसा ॥

bhālu kapinha paṭa bhūṣana pāye | pahiri pahiri raghupati pahim̐ āye ||
nānā jinasa dekhi saba kīsā | puni puni ham̐sata kosalādhīsā ||

चितइ सबन्हि पर कीन्ही दाया । बोले मृदुल बचन रघुराया ॥
तुम्हरें बल मैं रावन मार्यो । तिलक बिभीषन कहँ पुनि सार्यो ॥

citai sabanhi para kīnhī dāyā | bole mṛdula bacana raghurāyā ||
tumhareṃ bala maiṃ rāvana māryo | tilaka bibhīṣana kaham̐ puni sāryo ||

निज निज गृह अब तुम्ह सब जाहू । सुमिरेहु मोहि डरपहु जनि काहू ॥
सुनत बचन प्रेमाकुल बानर । जोरि पानि बोले सब सादर ॥

nija nija gṛha aba tumha saba jāhū | sumirehu mohi ḍarapahu jani kāhū ||
sunata bacana premākula bānara | jori pāni bole saba sādara ||

प्रभु जोइ कहहु तुम्हहिँ सब सोहा । हमरे होत बचन सुनि मोहा ॥
दीन जानि कपि किये सनाथा । तुम्ह त्रेलोक ईस रघुनाथा ॥

prabhu joi kahahu tumhahim̐ saba sohā | hamare hota bacana suni mohā ||
dīna jāni kapi kiye sanāthā | tumha treloka īsa raghunāthā ||

सुनि प्रभु बचन लाज हम मरहीं । मसक कहूँ खगपति हित करहीं ॥
देखि राम रुख बानर रीछा । प्रेम मगन नहिँ गृह के ईछा ॥

suni prabhu bacana lāja hama marahīṃ | masaka kahūm̐ khagapati hita karahīṃ ||
dekhi rāma rukha bānara rīchā | prema magana nahim̐ gṛha ke īchā ||