अध्याय 99: सीता का विलाप और त्रिजटा का रहस्य

तेही निसि सीता पहिँ जाई । त्रिजटा कहि सब कथा सुनाई ॥
सिर भुज बाढ़ि सुनत रिपु केरी । सीता उर भइ त्रास घनेरी ॥

tehī nisi sītā pahim̐ jāī | trijaṭā kahi saba kathā sunāī ||
sira bhuja bār̤hi sunata ripu kerī | sītā ura bhai trāsa ghanerī ||

मुख मलीन उपजी सन चिन्ता । त्रिजटा सन बोली तब सीता ॥
होइहि काह कहसि किन माता । केहि बिधि मरिहि बिस्व दुखदाता ॥

mukha malīna upajī sana cintā | trijaṭā sana bolī taba sītā ||
hoihi kāha kahasi kina mātā | kehi bidhi marihi bisva dukhadātā ||

रघुपति-सर सिर कटेहुँ न मरई । बिधि बिपरीत चरित सब करई ॥
मोर अभाग्य जिआवत ओही । जेहिं है हरि-पद-कमल बिछोही ॥

raghupati-sara sira kaṭehum̐ na maraī | bidhi biparīta carita saba karaī ||
mora abhāgya jiāvata ohī | jehiṃ hai hari-pada-kamala bichohī ||

जेहिं कृत कपट कनक-मृग-झूठा । अजहुँ से दैव मोहि पर रूठा ॥
जेहिं विधि मोहि दुख दुसह सहाये । लछिमन कहँ कटु-बचन कहाये ॥

jehiṃ kṛta kapaṭa kanaka-mṛga-jhūṭhā | ajahum̐ se daiva mohi para rūṭhā ||
jehiṃ vidhi mohi dukha dusaha sahāye | lachimana kaham̐ kaṭu-bacana kahāye ||

रघुपति बिरह सबिष सर भारी । तकि तकि मार बार बहु मारी ॥
ऐसेहुं दुख जो राख मम माना । सोइ बिधि ताहि जिआव न आना ॥

raghupati biraha sabiṣa sara bhārī | taki taki māra bāra bahu mārī ||
aisehuṃ dukha jo rākha mama mānā | soi bidhi tāhi jiāva na ānā ||

बहु बिधि कर बिलाप जानकी । करि करि सुरति कृपानिधान की ॥
कह त्रिजटा सुनु राजकुमारी । उर सर लागत मरइ सुरारी ॥

bahu bidhi kara bilāpa jānakī | kari kari surati kṛpānidhāna kī ||
kaha trijaṭā sunu rājakumārī | ura sara lāgata marai surārī ||

प्रभु ताते उर हतइ न तेही । एहि के हृदयँ बसति वैदेही ॥

prabhu tāte ura hatai na tehī | ehi ke hṛdayam̐ basati vaidehī ||