अध्याय 25: तपस्विनी का वानरों को सागर-तट पहुँचाना

दूरि ते ताहि सबन्हि सिर नावा । पूछें निज वृत्तान्त सुनावा ॥
तेहिं तब कहा करहु जल पाना । खाहु सुरस सुन्दर फल नाना ॥

dūri te tāhi sabanhi sira nāvā | pūcheṃ nija vṛttānta sunāvā ||
tehiṃ taba kahā karahu jala pānā | khāhu surasa sundara phala nānā ||

मज्जन कीन्ह मधुर फल खाये । तासु निकट पुनि सब चलि आये ॥
तेहिं सब आपनि कथा सुनाई । मैं अब जाब जहाँ, रघुराई ॥

majjana kīnha madhura phala khāye | tāsu nikaṭa puni saba cali āye ||
tehiṃ saba āpani kathā sunāī | maiṃ aba jāba jahām̐, raghurāī ||

मूदहु नयन बिबर तजि जाहू । पैहहु सीतहि जनि पछिताहू ॥
नयन मूदि पुनि देखहिँ बीरा । ठाढ़े सकल सिन्धु कें तीरा ॥

mūdahu nayana bibara taji jāhū | paihahu sītahi jani pachitāhū ||
nayana mūdi puni dekhahim̐ bīrā | ṭhār̤he sakala sindhu keṃ tīrā ||

सो पुनि गई जहाँ रघुनाथा । जाइ कमल-पद नाएसि माथा ॥
नाना भाँति बिनय तेहिं कीन्ही । अनपायनी भगति प्रभु दीन्ही ॥

so puni gaī jahām̐ raghunāthā | jāi kamala-pada nāesi māthā ||
nānā bhām̐ti binaya tehiṃ kīnhī | anapāyanī bhagati prabhu dīnhī ||