अध्याय 24: वन में प्यास और गुप्त गुफा

कतहुँ होइ निसिचर साँ भेटा । प्रान लेहिँ एक एक चपेटा ॥
बहु प्रकार गिरि कानन हेरहिं । कोउ मुनि मिलत ताहि सब घेरहिं ॥

katahum̐ hoi nisicara sām̐ bheṭā | prāna lehim̐ eka eka capeṭā ||
bahu prakāra giri kānana herahiṃ | kou muni milata tāhi saba gherahiṃ ||

लागि तृषा अतिसय अकुलाने । मिलइ न जल घन गहन भुलाने ॥
मन हनुमान कीन्ह अनुमाना । मरन चहत सब बिनु-जल-पाना ॥

lāgi tṛṣā atisaya akulāne | milai na jala ghana gahana bhulāne ||
mana hanumāna kīnha anumānā | marana cahata saba binu-jala-pānā ||

चढ़ि गिरि सिखर चहूँ दिसि देखा । भूमि बिबिर एक कौतुक पेखा ॥
चक्रवाक बक हंस उड़ाहीं । बहुतक खग प्रबिसहिँ तेहि माहीं ॥

car̤hi giri sikhara cahūm̐ disi dekhā | bhūmi bibira eka kautuka pekhā ||
cakravāka baka haṃsa ur̤āhīṃ | bahutaka khaga prabisahim̐ tehi māhīṃ ||

गिरि ते उतरि पवन-सुत आवा । सब कह लेइ सोइ बिबर देखावा ॥
आगें करि हनुमन्तहि लीन्हा । पैठे बिबर बिलम्ब न कीन्हा ॥

giri te utari pavana-suta āvā | saba kaha lei soi bibara dekhāvā ||
āgeṃ kari hanumantahi līnhā | paiṭhe bibara bilamba na kīnhā ||