अध्याय 2: हनुमान का अपने स्वामी को पहचानना

कोसलेस दसरथ के जाये । हम पितु बचन मानि धन आये ॥
नाम राम लछिमन दोउ भाई । सङ्ग नारि सुकुमारि सुहाई ॥

kosalesa dasaratha ke jāye | hama pitu bacana māni dhana āye ||
nāma rāma lachimana dou bhāī | saṅga nāri sukumāri suhāī ||

इहाँ हरि निसिचर वैदेही । बिप्र फिरहिँ हम खोजत तेही ॥
आपन चरित कहा हम गाई । कहहु विप्र निज कथा बुझाई ॥

ihām̐ hari nisicara vaidehī | bipra phirahim̐ hama khojata tehī ||
āpana carita kahā hama gāī | kahahu vipra nija kathā bujhāī ||

मनु पहिचानि परेउ गहि चरना । सो सुख उमा नहिँ बरना ॥
पुलकित तन मुख आव न बचना । देखत रुचिर बेष कै रचना ॥

manu pahicāni pareu gahi caranā | so sukha umā nahim̐ baranā ||
pulakita tana mukha āva na bacanā | dekhata rucira beṣa kai racanā ||

पुनि धीरज धरि अस्तुति कीन्ही । हरष हृदयँ निज-नाथहि चीन्ही ॥
मोर न्याउ मैं पूछा साईं । तुम्ह पूछहु कस नर का नाईं ॥

puni dhīraja dhari astuti kīnhī | haraṣa hṛdayam̐ nija-nāthahi cīnhī ||
mora nyāu maiṃ pūchā sāīṃ | tumha pūchahu kasa nara kā nāīṃ ||

तव माया बस फिरउँ भुलाना । तात मैं नहिं प्रभु पहिचाना ॥

tava māyā basa phiraum̐ bhulānā | tāta maiṃ nahiṃ prabhu pahicānā ||