अध्याय 14: वर्षा के दृश्यों में नीति के उपदेश

घन घमंड नभ गरजत घोरा । प्रिया हीन डरपत मन मोरा ॥
दामिनि दमक रह न घन माहीँ । खल कै प्रीति जथा थिर नाहीं ॥

ghana ghamaṃḍa nabha garajata ghorā | priyā hīna ḍarapata mana morā ||
dāmini damaka raha na ghana māhīm̐ | khala kai prīti jathā thira nāhīṃ ||

बरषहिँ जलद भूमि निअराएँ । जथा नवहिं बुध बिद्या पाये ॥
बुन्द-अघात सहहिं गिरि कैसे । खल के बचन सन्त सह जैसें ॥

baraṣahim̐ jalada bhūmi niarāem̐ | jathā navahiṃ budha bidyā pāye ||
bunda-aghāta sahahiṃ giri kaise | khala ke bacana santa saha jaiseṃ ||

छुद्र-नदीं भरि चलीँ तोराई । जस थोरेहुँ धन खल इतराई ॥
भूमि परत भा ढाबर पानी । जनु जीवहि माया लपटानी ॥

chudra-nadīṃ bhari calīm̐ torāī | jasa thorehum̐ dhana khala itarāī ||
bhūmi parata bhā ḍhābara pānī | janu jīvahi māyā lapaṭānī ||

समिटि समिटि जल भरहिं तलावा । जिमि सदगुन सज्जन पहिँ आवा ॥
सरिता जल जलनिधि महँ जाई । होइ अचल जिमि जिव हरि पाई ॥

samiṭi samiṭi jala bharahiṃ talāvā | jimi sadaguna sajjana pahim̐ āvā ||
saritā jala jalanidhi maham̐ jāī | hoi acala jimi jiva hari pāī ||