अध्याय 13: स्फटिक शिला पर श्रीराम और वर्षा का आगमन

सुन्दर बन कुसुमित अति सोभा । गुञ्जत मधुप निकर मधु लोभा ॥
कन्द मूल फल पत्र सुहाये । भए बहुत जब तें प्रभु आये ॥

sundara bana kusumita ati sobhā | guñjata madhupa nikara madhu lobhā ||
kanda mūla phala patra suhāye | bhae bahuta jaba teṃ prabhu āye ||

देखि मनोहर सैल अनूपा । रहे तहँ अनुज सहित सुरभूपा ॥
मधुकर-खग-मृग-तनु धरि देवा । करहिँ सिद्ध मुनि प्रभु के सेवा ॥

dekhi manohara saila anūpā | rahe taham̐ anuja sahita surabhūpā ||
madhukara-khaga-mṛga-tanu dhari devā | karahim̐ siddha muni prabhu ke sevā ||

मङ्गल-रूप भयउ बन तब तें । कीन्ह निवास रमापति जय तें ॥
फटिक-सिला अति सुभ्र सुहाई । सुख-आसीन तहाँ दोउ भाई ॥

maṅgala-rūpa bhayau bana taba teṃ | kīnha nivāsa ramāpati jaya teṃ ||
phaṭika-silā ati subhra suhāī | sukha-āsīna tahām̐ dou bhāī ||

कहत अनुज सन कथा अनेका । भगति बिरति नृप-नीति बिबेका ॥
बरषा काल मेघ नभ छाये । गरजत लागत परम-सुहाये ॥

kahata anuja sana kathā anekā | bhagati birati nṛpa-nīti bibekā ||
baraṣā kāla megha nabha chāye | garajata lāgata parama-suhāye ||