अध्याय 91: विवाह का लग्न निश्चित

सबु प्रसंगु गिरिपतिहि सुनावा । मदन दहन सुनि अति दुख पावा ॥
बहुरि कहेउ रति कर बरदाना । सुनि हिमवन्त बहुत सुख माना ॥

sabu prasaṃgu giripatihi sunāvā | madana dahana suni ati dukha pāvā ||
bahuri kaheu rati kara baradānā | suni himavanta bahuta sukha mānā ||

हृदयँ बिचारि सम्भु प्रभुताई । सादर मुनिवर लिये बोलाई ॥
सुदिन सुनखत सुघरी सोचाई । बेगि बेद विधि लगन धराई ॥

hṛdayam̐ bicāri sambhu prabhutāī | sādara munivara liye bolāī ||
sudina sunakhata sugharī socāī | begi beda vidhi lagana dharāī ||

पत्री सप्तरिषिन्ह सोइ दीन्ही । गहि पद विनय हिमाचल कीन्ही ॥
जाइ विधिहि दीन्हि से पाती । बाचत प्रीति न हृदयँ समाती ॥

patrī saptariṣinha soi dīnhī | gahi pada vinaya himācala kīnhī ||
jāi vidhihi dīnhi se pātī | bācata prīti na hṛdayam̐ samātī ||

लगन बाचि बिधि सबहि सुनाई । हरषे सुनि सब सुर समुदाई ॥
सुमन वृष्टि नभ बाजन बाजे । मङ्गल कलस दसहुँ दिसि साजे ॥

lagana bāci bidhi sabahi sunāī | haraṣe suni saba sura samudāī ||
sumana vṛṣṭi nabha bājana bāje | maṅgala kalasa dasahum̐ disi sāje ||