अध्याय 92: दूल्हा बने शिव का श्रृंगार

सिवहि सम्भुगन करहिँ सिँगारा । जटा-मुकुट अहि-मौर सँवारा ॥
कुंडल कङ्कन पहिरे ब्याला । तन-बिभूति पट-केहरि-छाला ॥

sivahi sambhugana karahim̐ sim̐gārā | jaṭā-mukuṭa ahi-maura sam̐vārā ||
kuṃḍala kaṅkana pahire byālā | tana-bibhūti paṭa-kehari-chālā ||

ससि ललाट सुन्दर सिर गङ्गा । नयन-तीनि उपबीत-भुजङ्गा ॥
गरल-कंठ उर नर-सिर-माला । असिव-बेष सिव-धाम कृपाला ॥

sasi lalāṭa sundara sira gaṅgā | nayana-tīni upabīta-bhujaṅgā ||
garala-kaṃṭha ura nara-sira-mālā | asiva-beṣa siva-dhāma kṛpālā ||

कर त्रिसूल अरु डमरु बिराजा । चले बसहँ चढ़ि बाजहिँ बाजा ॥
देखि सिवहि सुर-त्रिय मुसुकाहीँ । बर लायक दुलहिनि जग नाहीं ॥

kara trisūla aru ḍamaru birājā | cale basaham̐ car̤hi bājahim̐ bājā ||
dekhi sivahi sura-triya musukāhīm̐ | bara lāyaka dulahini jaga nāhīṃ ||

बिष्नु बिरच्जि आदि सुर ब्राता । चढ़ि चढ़ि बाहन चले बराता ॥
सुर-समाज सब भाँति अनूपा । नहिँ बरात दूलह अनुरूपा ॥

biṣnu biracji ādi sura brātā | car̤hi car̤hi bāhana cale barātā ||
sura-samāja saba bhām̐ti anūpā | nahim̐ barāta dūlaha anurūpā ||