अध्याय 90: अग्नि के निकट हिम नहीं टिकता

सुनि बोलीं मुसकाइ भवानी । उचित कहेउ मुनिबर बिज्ञानी ॥
तुम्हरें जान काम अब जारा । अब लगि सम्भु रहे सबिकारा ॥

suni bolīṃ musakāi bhavānī | ucita kaheu munibara bijñānī ||
tumhareṃ jāna kāma aba jārā | aba lagi sambhu rahe sabikārā ||

हमरें जान सदा सिव जोगी । अज अनवद्य अकाम अभोगी ॥
जौँ मैँ सिव सेये अस जानी । प्रीति समेत करम-मन-बानी ॥

hamareṃ jāna sadā siva jogī | aja anavadya akāma abhogī ||
jaum̐ maim̐ siva seye asa jānī | prīti sameta karama-mana-bānī ||

तौ हमार पन सुनहु मुनीसा । करिहहिँ सत्य कृपानिधि ईसा ॥
तुम्ह जो कहा हर जारेउ मारा । सोइ अति बड़ अविबेक तुम्हारा ॥

tau hamāra pana sunahu munīsā | karihahim̐ satya kṛpānidhi īsā ||
tumha jo kahā hara jāreu mārā | soi ati bar̤a avibeka tumhārā ||

तात अनल कर सहज सुभाऊ । हिम तेहि निकट जाइ नहिँ काऊ ॥
गये समीप सो अवसि नसाई । असि मन्मथ महेस कै नाई ॥

tāta anala kara sahaja subhāū | hima tehi nikaṭa jāi nahim̐ kāū ||
gaye samīpa so avasi nasāī | asi manmatha mahesa kai nāī ||