अध्याय 89: शिव की सहमति, सप्तर्षियों का परिहास

यह उत्सव देखिय भरि लोचन । सोह कछु करहु मदन-मद-मोचन ॥
काम जारि रति कहँ बर दीन्हा । कृपासिन्धु यह अति भल कीन्हा ॥

yaha utsava dekhiya bhari locana | soha kachu karahu madana-mada-mocana ||
kāma jāri rati kaham̐ bara dīnhā | kṛpāsindhu yaha ati bhala kīnhā ||

सासति करि पुनि करहिँ पसाऊ । नाथ प्रभुन्ह कर सहज-सुभाऊ ॥
पारबतीं तप कीन्ह अपारा । करहु तासु अब अङ्गीकारा ॥

sāsati kari puni karahim̐ pasāū | nātha prabhunha kara sahaja-subhāū ||
pārabatīṃ tapa kīnha apārā | karahu tāsu aba aṅgīkārā ||

सुनि विधि बिनय समुझि प्रभु बानी । ऐसेइ होउ कहा सुख मानी ॥
तब देवन्ह दुंदुभीं बजाईं । बरषि सुमन जय जय सुर-साँई ॥

suni vidhi binaya samujhi prabhu bānī | aisei hou kahā sukha mānī ||
taba devanha duṃdubhīṃ bajāīṃ | baraṣi sumana jaya jaya sura-sām̐ī ||

अवसर जानि सप्तरिषि आये । तुरतहिं बिधि गिरि-भवन पठाये ॥
प्रथम गये जहँ रही भवानी । बोले मधुर बचन छल-सानी ॥

avasara jāni saptariṣi āye | turatahiṃ bidhi giri-bhavana paṭhāye ||
prathama gaye jaham̐ rahī bhavānī | bole madhura bacana chala-sānī ||