अध्याय 88: रति को वर, देवताओं की प्रार्थना

जन जदुबंस कृष्न अवतारा । होइहि हरन महा महि भारा ॥
कृष्न-तनय होइहि पति तोरा । बचन अन्यथा होइ न मोरा ॥

jana jadubaṃsa kṛṣna avatārā | hoihi harana mahā mahi bhārā ||
kṛṣna-tanaya hoihi pati torā | bacana anyathā hoi na morā ||

रति गवनी सुनि सङ्कर बानी । कथा अपर अब कहउँ बखानी ॥
देवन्ह समाचार सब पाये । ब्रह्मादिक बैकुंठ सिधाये ॥

rati gavanī suni saṅkara bānī | kathā apara aba kahaum̐ bakhānī ||
devanha samācāra saba pāye | brahmādika baikuṃṭha sidhāye ||

सब सुर बिष्नु बिरञ्चि समेता । गये जहाँ सिव कृपा-निकेता ॥
पृथक पृथक तिन्ह कीन्ह प्रसंसा । भये प्रसन्न चन्द्र-अवतंसा ॥

saba sura biṣnu birañci sametā | gaye jahām̐ siva kṛpā-niketā ||
pṛthaka pṛthaka tinha kīnha prasaṃsā | bhaye prasanna candra-avataṃsā ||

बोले कृपासिन्धु बृषकेतू । कहहु अमर आयहु केहि हेतू ॥
कह बिधि तुम्ह प्रभु अन्तरजामी । तदपि भगति बस बिनवउँ स्वामी ॥

bole kṛpāsindhu bṛṣaketū | kahahu amara āyahu kehi hetū ||
kaha bidhi tumha prabhu antarajāmī | tadapi bhagati basa binavaum̐ svāmī ||