अध्याय 82: तारकासुर का उत्पात और ब्रह्मा की युक्ति

जाइ मुनिन्ह हिमवन्त पठाये । करि बिनती गिरजहिं गृह ल्याये ॥
बहुरि सप्तरिषि सिव पहिं जाई । कथा उमा कै सकल सुनाई ॥

jāi muninha himavanta paṭhāye | kari binatī girajahiṃ gṛha lyāye ||
bahuri saptariṣi siva pahiṃ jāī | kathā umā kai sakala sunāī ||

भये मगन सिव सुनत सनेहा । हरषि सप्तरिषि गवने गेहा ॥
मन थिर करि तब सम्भु सुजाना । लगे करन रघुनायक ध्याना ॥

bhaye magana siva sunata sanehā | haraṣi saptariṣi gavane gehā ||
mana thira kari taba sambhu sujānā | lage karana raghunāyaka dhyānā ||

तारक-असुर भयउ तेहि काला । भुज प्रताप बल तेज बिसाला ॥
तेहिँ सब लोक लोकपति-जीते । भये देव सुख-सम्पति रीते ॥

tāraka-asura bhayau tehi kālā | bhuja pratāpa bala teja bisālā ||
tehim̐ saba loka lokapati-jīte | bhaye deva sukha-sampati rīte ||

अजर अमर सो जीति न जाई । हारे सुर करि बिबिध लराई ॥
तब बिरञ्चि सन जाइ पुकारे । देखे बिधि सब देव दुखारे ॥

ajara amara so jīti na jāī | hāre sura kari bibidha larāī ||
taba birañci sana jāi pukāre | dekhe bidhi saba deva dukhāre ||