अध्याय 83: देवताओं द्वारा कामदेव को भेजना

मोर कहा सुनि करहु उपाई । होइहि ईस्वर करिहि सहाई ॥
सतीं जो तजी दच्छ-मख देहा । जनमी जाइ हिमाचल गेहा ॥

mora kahā suni karahu upāī | hoihi īsvara karihi sahāī ||
satīṃ jo tajī daccha-makha dehā | janamī jāi himācala gehā ||

तेहिं तप कीन्ह सम्भु पति लागी । सिव समाधि बैठे सब त्यागी ॥
जदपि अहइ असमञ्जस भारी । तदपि बात एक सुनहु हमारी ॥

tehiṃ tapa kīnha sambhu pati lāgī | siva samādhi baiṭhe saba tyāgī ||
jadapi ahai asamañjasa bhārī | tadapi bāta eka sunahu hamārī ||

पठवहु काम जाइ सिव पाहीँ । करइ छोभ सङ्कर मन माहीं ॥
तब हम जाइ सिवहि सिर नाई । करवाउब बिबाह बरिआई ॥

paṭhavahu kāma jāi siva pāhīm̐ | karai chobha saṅkara mana māhīṃ ||
taba hama jāi sivahi sira nāī | karavāuba bibāha bariāī ||

एहि विधि भलेहि देव हित होई । मत अति नीक कहइ सब कोई ॥
अस्तुति सुरन्ह कीन्हि अति-हेतू । प्रगटेउ विषमबान झखकेतू ॥

ehi vidhi bhalehi deva hita hoī | mata ati nīka kahai saba koī ||
astuti suranha kīnhi ati-hetū | pragaṭeu viṣamabāna jhakhaketū ||